Arauxo: "Men "Barsa"ga ko‘p vaqt davomida yordam beraman"

Kataloniyaning "Barselona" klubi asosiy himoyachilaridan biri Ronald Arauxo hozirda jarohat sabab klubga yordam bera olmayapti. Urugvaylik himoyachi qaytishi haqida o‘z fikrlarini bildirib o‘tdi. 

- Bu klubda o‘ynash mening orzuim bo‘lib kelgan. Men 5 yildan ko‘proq vaqt mobaynida jamoadaman va umid qilamanki, hali ko‘p mavsum bu klubga yordam beraman, - deya izoh berdi iqtidorli himoyachi.

Eslatib o‘tamiz, 25 yoshli himoyachi mavsum avvalida jarohat olib klub safini tark etgan edi. Uning 2025 yilning boshida jamoaga qaytishi kutilmoqda.