«Арсенал» ҳали ҳам Винисиусга қизиқмоқда

Лондоннинг «Арсенал» клуби ҳали ҳам Мадриднинг «Реал» жамоаси ярим ҳимоячиси Винисиус Жуниорга қизиқиш билдираётгани хабар қилинди. Бу ҳақда The Touchline саҳифаси маълумот берган.

Манбага кўра, «канонирлар» бразилиялик футболчига бўлган қизиқишини сақлаб қолган ва унинг агенти билан мунтазам алоқада бўлиб турибди.

Хабар қилинишича, Винисиус Лондон клубининг режалари, спорт лойиҳаси ва молиявий таклифи билан таниш. Шу билан бирга, у ҳозирча фаолиятини «Реал»да давом эттириш тарафдори. Бироқ келаси ёзда у «Арсенал» вариантни ҳам кўриб чиқиши мумкин. Бу, айниқса, у ўзини асосий таркибда етарлича ўйнамаяпман, деган хулосага келса, ёки жамоада доимий таркиб футболчиси мақомини йўқотдим, деб ҳис қилса, амалга ошиши мумкин.

Эслатиб ўтамиз, «Арсенал» ушбу ёзда ҳам Винисиусга жиддий қизиқиш билдирган эди, аммо футболчи «Реал» билан шартномасини узайтиришни маъқул кўрган.