«Арсенал» клуб тарихидаги энг қиммат трансферни амалга оширмоқчи
«Арсенал» «Ювентус» ҳужумчиси Кенан Йилдизни 150 миллион евро эвазига сотиб олишни режалаштириб, ўз тарихидаги энг қиммат трансферни амалга ошириши мумкин.
Туриннинг «Ювентус» клубида тўп сураётган қанот ҳужумчиси Кенан Йилдиз Англия Премьер-лигасининг топ-клубларидан бирига ўтиши мумкин. Бу ҳақда Teamtalk нашри хабар берди.
Маълум қилинишича, туркиялик футболчини Лондоннинг «Арсенал» клуби ўз сафига қўшиб олишни режалаштирмоқда. Манбага кўра, трансферни амалга ошириш учун энг қулай вазият айнан «канонирлар»да. Йилдизнинг трансфери лондонликларга 150 миллион еврога тушиши мумкин. Бу эса клуб тарихидаги энг қиммат трансферга айланади.
Ҳозирда «Арсенал»нинг рекорд трансфери ярим ҳимоячи Деклан Райс ҳисобланади. Унинг трансфери учун лондонликлар тахминан 122 миллион евро тўлаган.
Изоҳлар (0)