"Арсенал" супер ҳужумчи топди

"Наполи" марказий ҳужумчиси Виктор Осимхен келаси ёзда клуби рўйхатини ўзгартириши мумкин. "MoArsenal86" нашри хабарига кўра, Лондоннинг "Арсенал" клуби нигериялик ҳужумчи билан шартнома имзолашни режалаштирмоқда.

Манбага кўра, "канонирлар" Осимхеннинг трансфери учун 120-130 миллион евро сарфлашлари мумкин. Айни пайтда неаполликлар лондонликлар ҳужумчиси Габриэль Жезусга қизиқиш билдиришмоқда. "Арсенал" бразилиялик футболчини шартномага қўшиши ва шу билан нигериялик учун товон пулини камайтириши мумкин.

Ўтган мавсумда Осимҳен Италия чемпионатининг энг яхши тўпурари бўлди. Жорий мавсумда ҳужумчи 16 та учрашувда иштирок этиб, 8 та гол ва 3 та голли узатмага муаллифлик қилган.