Arteta uch noyob iste’dodni nishonga oldi

Angliya Premer-ligasida peshqadamlik qilayotgan “Arsenal” allaqachon o‘zining sport loyihasining keyingi bosqichini rejalashtirmoqda.

Mikel Arteta boshchiligidagi “to‘pchilar” yanvar oyida katta xaridlarni amalga oshirishga shoshilmaydi, aksincha, bor e’tiborini jamoa o‘yinini yanada shakllantirish va rivojlantirishga qaratishni ma’qul ko‘ryapti.

Ammo skautlar allaqachon “Arsenal”ning o‘yin falsafasiga va yuqori pressing hamda to‘p nazoratiga asoslangan tizimiga moslasha oladigan futbolchilarni izlashni boshlab yuborgan.

“Kanonirlar” bosh murabbiyi Mikel Arteta o‘rta yoki uzoq muddatli istiqbolda jamoani kuchaytirishga qodir bo‘lgan uch nafar istiqbolli yosh futbolchini aniqladi. Bular Ayyub Buaddi, Lennart Karl va Mark Kasado.

London klubi mutasaddilari ayni paytda Evropa futbolida porlay boshlagan bu o‘yinchilarni transfer qilish bo‘yicha maxsus strategik yo‘nalishni ishlab chiqishga kirishgani aytilyapti.