Artur Beterbievga yangi raqib taklif qilindi

Boks bo‘yicha birinchi og‘ir vazn toifasida sobiq jahon chempioni Mayris Briedis ushbu divizionda IBF kamari sohibi Jey Opetayya (26-0, 20 KO) va yarim og‘ir vazn toifasida mutlaq chempion Artur Beterbiev (21-0, 20 KO) o‘rtasida jang tashkil qilish taklifini berdi. 

“Haqiqiy jang qanday bo‘lishini ushbu bahsda ko‘rishimiz mumkin. Artur Beterbiev kreyser vazniga ko‘tarilib, Jey Opetayya bilan to‘qnash kelsa, nima bo‘lishini tasavvur qilib ko‘ring.. Ringda Jeyga qarshi chiqqan odam sifatida aytishim mumkin, bu shafqatsiz jang bo‘ladi. Beterbiev nafaqat kuchli zarba ega, shuningdek raqibiga doimiy bosim qiladigan  yigit. Opetayya esa jag‘i singan bo‘lsa ham oxirigacha boradigan jangchi. Men buni shaxsiy tajribamdan bilaman”, — deb yozdi Briedis Instagram da.

Eslatib o‘tamiz, Saudiyada o‘tkazilgan bahsda Beterbiev Dmitriy Bivolni ochkolar evaziga mag‘lub etdi.