Асадхўжа Мўйдинхўжаев ҳам ярим финалда ғалаба қозонди. Учинчи финалчи!

Тошкентдаги "Ҳумо арена"да бокс бўйича эркаклар ўртасида жаҳон чемпионати давом этмоқда. Бугун ярим финал жанглари бўлиб ўтмоқда.

-67 кг вазн тоифасида Асадхўжа Мўйдинхўжаев мўғулистонлик Мишеелт Баттумур билан рингга кўтарилади. Жанг 15:45дан сўнг бошланади.

Боксчилар рингга чиқиб келди. Ҳамюртимиз қизил формада, унинг рақиби кўк либосда ҳаракат қилади.

Асадхўжа илк раундни ўз фойдасига ҳал этди - 5:0.

Иккинчи раундда ҳам ҳамюртимиз устунликка эришди - 5:0.

Учинчи раундда боксчимизнинг қўли баланд келди - 4:1. Якуний ҳисоб 5:0 Асадхўжа Мўйдинхўжаев фойдасига. Асадхўжа финалга йўл олган учинчи боксчимиз бўлди.