"Атлетико" тўпурар ҳужумчини нишонга олди

"Атлетико" Виктор Дьёкерешни сотиб олмоқчи.

"Diario Sport" нашрининг хабар беришича, "Спортинг" ҳужумчиси Мадрид клубининг асосий нишони ҳисобланмоқда.

Таъкидланишича, "Атлетико" швециялик футболчини ўз сафига қўшиб олиш учун бир неча муҳим қадамларни аллақачон қўйган.

Дьёкерешнинг трансфер нархи 65 миллион евродан 75 миллион еврогача бўлиши мумкин. Унинг шартномасида 100 миллион еврога сотиб олиш банди мавжуд, бироқ испанлар якуний нарх бундан пастроқ бўлишини кутмоқда.

Ўтган мавсумда 26 ёшли ҳужумчи "Спортинг" сафида 52 та ўйинда иштирок этиб, 54 та гол урди ва 12 та голли узатмани амалга оширди.