ATP. Жокович навбатдаги ғалабасига эришди

Лондон шаҳри теннис бўйича эркаклар ўртасидаги йилнинг якуний турнирига мезбонлик қилмоқда. Навбатдаги кун беллашувлари ҳам қизиқарли баҳсларга бой ўтди.

Мусобақанинг 1-тартиб рақам остида сараланган теннисчиси Новак Жокович германиялик Александр Зверев билан ўзаро муносабатларга ойдинлик киритиб олди. Биринчи сетни ўз ҳисобига осон ёздириб қўйган Новак ўйинни бутунлай ҳал қилиш учун тай-брэкка мурожаат қилишга мажбур бўлди. Якуний ҳисоб: 6:3, 7:6(7:4).