Badiiy gimnastika. Jahon chempionatida qatnashadigan tarkibimiz ma'lum

Germaniyaning Frankfurt shahrida 12–16 avgust kunlari badiiy gimnastika bo‘yicha jahon chempionati bo‘lib o‘tadi.

Musobaqada O‘zbekiston terma jamoasi sharafini yakkalik dasturida Takhmina Ikromova, guruh dasturida Mumtozabonu Ishqozoda, Evelina Atalyants, Amaliya Mamedova, Yasmina Mkrticheva, Tamila Ziganshina, Yuliya Valevataya himoya qiladi.

Dunyo birinchiligida 7 nafar sportchimiz sovrinli o‘rinlar va Olimpiada yo‘llanmalari uchun kurash olib boradi. Bu haqda O‘zbekiston Respublikasi Sport vazirligi xabar bermoqda.