Баҳодир Жалолов "Rio-2016" даги мағлубият учун қасос олиши мумкин!

Баҳодир Жалолов "Rio-2016" да мағлуб бўлган рақиби билан реванш ўтказиш ниятида.

Бокс бўйича икки карра Олимпия ўйинлари ғолиби, супероғир вазнли Баҳодир Жалолов (14-0, 14 КО) британиялик Жо Жойс (16-3, 15 КО) билан реванш жангини ўтказиш истаги борлигини маълум қилди.

Бу икки боксчи 2016 йили Рио-де-Жанейро (Бразилия)да бўлиб ўтган Олимпия ўйинларининг чорак финалида тўқнаш келганди. Ўша жангда Жойс очколар ҳисобига кўра ғалаба қозонганди. Энди бу қарама-қаршилик проф боксда давом этиши мумкин.

"Агар шундай жанг ўтказилса, биз фақатгина хурсанд бўламиз! Мен катта жангларга тайёрман, лекин унгача яна бир ёки иккита жанг ўтказиб олишим керак. Кўпроқ раунд ўтказишим лозим. Ҳаваскор сифатидаги фаолиятимни тугатдим. Яна бир ёки иккита баҳсданг сўнг исталган рақиб билан жанг қилишим мумкин" - деди Жалолов.

Маълумот учун, Баҳодир Жалолов 6 февраль куни Канаданинг Монреаль шаҳрида ташкил этиладиган проф бокс оқшомида франциялик Девид Спилмонтга қарши жанг ўтказади.

Ўзбекистон профессионал бокс федерациясидан.