Балотелли Бразилия клубига ўтишга жуда ҳам яқин турибди

Италиялик машҳур ҳужумчи Марио Балотелли катта эҳтимол билан “Фламенго”га кўчиб ўтади.

Sky Sport Italia нашри тарқатган хабарга қараганда  28 ёшли футболчи Рио-де-Жанейро клуби билан келишувга эришган. Унга кўра Балотелли йилига 4-5 миллион евро атрофида маош олади.

Эслатиб ўтамиз, бундан аввалроқ “Фламенго” Балотеллига 2,5 йиллик шартнома таклиф қилаётгани ҳақида хабарлар тарқалган эди. 

Маълумот учун, 28 ёшли Балотелли ўтган мавсумни “Ницца”да бошлаб “Марсел”да якунлади ва жами 25та ўйинда майдонга тушиб, ўз ҳисобига 8та гол ҳамда 1та голли узатма ёздириб қўйишга эришди.