"Барса" Асенсиони ўз таркибига қўшиб олиш фикридан қайтди

Ла Лиганинг 28-тур баҳси "Барса" - "Реал" учрашувида мезбонлар кичик камбек амалга ошириб, ғалаба қозонди. Ушбу ўйинда Марко Асенсио захирадан майдонга тушиб, Тер Штеган дарвозасини ишғол қилишга муваффақ бўлди. Вингер хурсандчиликни нишонлайтган пайт қўли билан "Реал" логотипига ишора қилди.

Гол офсайд сабаб ҳисобга олинмади ва Марконинг шодлиги узоққа чўзилмади. Аммо ушбу нишонлаш "Барса" раҳбариятига ёқмади. Клуб энди испанни ўз таркибига қўшиб олиш фикридан қайтди, дея хабар бермоқда "Diario Sport" нашри. 

Маълумот учун, Асенсио ёзда Мадридни тарк этиши мумкин. Футболчи янги шартнома борасида жамоаси билан келишиб олмади.