“Барса” бешта зўр ҳимоячини нишонга олди

Германиялик мутахассис Ханс-Дитер Флик бош мураббийлик қилаётган “Барселона” энди ҳимоя чизиғини мустаҳкамлашга эътибор қаратадиган бўлди.

Mundo Deportivo нашрининг ёзишича, клуб мутасаддилари Каталонияга таклиф этиладиган ҳимоячилар рўйхатини шакллантириб бўлди.

Манбага кўра, асосий нишон Лиссабоннинг “Спортинг” клуби шарафини ҳимоя қилаётган Гонсалу Инасиу ҳисобланади. Флик бу ҳимоячининг  жамоада шакллантирилган ўйин услубига мос эканига ишоняпти.

Бундан ташқари, “Барселона” захира варианти сифатида Мурилло (“Ноттингем Форест”), Марк Гехи (“Кристал Пэлас”), Лукас Беральдо (ПСЖ) ҳамда Луис Бенедетти (“Палмейрас”) каби марказий ҳимоячиларни танлаган.