“Barsa” ikki yulduzni xafa qildi

“Barselona” rahbariyati ikki etakchi futbolchining maoshini kesadi.

Mundo Deportivo  nashrining ma’lum qilishicha, klub mutasaddilari jamoa darvozasini mustahkam qo‘riqlayotgan Mark-Andre ter Shtegen va pleymeyker Frenki de Yongga murojaat qilib, maoshlarini pasaytirishga ko‘nishlarini so‘ragan.

Kataloniyaliklar moliyaviy ahvolini o‘nglash uchun anchadan beri futbolchilarning maoshini pasaytirish chorasini qo‘llab keladi. Odatda, o‘yinchilar rahbariyatning bu talabini qabul qilishga majbur bo‘ladi.

Hozircha, ter Shtegen va de Yong bu masalani qanday qabul qilgani haqida aniq ma’lumot yo‘q. Biroq, bu ikki futbolchiga Evropa klublari orasida talab katta.