“Barsa” manchesterliklar so‘ragan yulduzni bermadi

“Manchester Yunayted” rahbariyati anchadan beri “Barselona” pleymeykeri Frenki de Yongni o‘z safiga qo‘shib olishga harakat qilmoqda.

Bu yoz kataloniyaliklar La Ligada eng katta maosh olayotgan niderlandiyalik futbolchidan voz kechishga tayyorligi ma’lum bo‘lganidan keyin manchesterliklar Frenki transferi bo‘yicha birinchi taklifini yubordi.

Ma’lumotlarga qaraganda, “Manchester Yunayted” kataloniyaliklarga 50 million evro taklif qilgan va darhol rad javobini olgan.

“Barselona” Frenki de Yong uchun bonus va ulushlarni inoyuatga olmagan holda 60 million evro talab qilyapti.

Yarim himoyachining o‘zi Kataloniyadan ketishga shoshilmayapti. Chunki bu klubda uning yillik maoshi 37,5 million evroni tashkil qiladi va boshqa klublar unga bundan ortiq maosh bermaydi.