“Барса” Нико Уильямсдан ўчини олади

Трансфер бозорида харидори кўпайиб бораётган ўйинчилардан бири “Атлетик Бильбао” ва Испания терма жамоаси вакили  Нико Уильямс ҳисобланади.

Бу ўйинчи мақсади фақат “Барселона”да ўйнаш эканини очиқ айтди ва “Реал”, “Арсенал” каби бошқа жамоаларга ўтмаслигини таъкидлади.

Журналист Санти Овалленинг ёзишича, Жоан Лапорта 22 ёшли футболчининг Каталонияга келишига йўл қўймаслиги мумкин. Гап шундаки, агар Нико Уильямс “Барселона”га ўтиш нияти борлигини айтмаганида, каталонияликлар унга эътибор қаратмас эди.

Бильбао юлдузи “Атлетик”дан фақат “Барселона”га ўтишини айтяпти. “Барса” хўжайини Жоан Лапорта принцип нуқтаи назаридан бу трансферга йўл қўймаслиги мумкин. Чунки бир йил аввал каталонияликлар Нико Уильямсни олишга жуда яқин эди. Бироқ ўшанда футболчи уларнинг таклифига рад жавоб берган.

Энди вазият ўзгарди. Нико Уильямс чемпион жамоага қўшилиш учун бир қатор талабларини, хусусан, сўраётган маошини ҳам пасайтиришга рози.