Нидерландияда ҳам иккита катта йўқотиш
Юлдузлар ўйнай олмайди
«Ливерпул» ҳимоячиси Виржил ван Дейк ва «Сандерленд» ҳужумчиси Брайан Бробби Нидерландия терма жамоаси йиғинини тарк этди ва яқинлашиб келаётган Миллатлар лигаси учрашувларида майдонга тушмайди. Бу ҳақда Нидерландия Қироллик футбол федерацияси маълум қилди.
Федерация хабарига кўра, футболчилар клубдаги сўнгги ўйинларидан сўнг терма жамоа сафида тўлиқ куч билан ҳаракат қила олиш даражасига етмаган. Улар соғлиғидаги муаммолар туфайли оптимал жисмоний ҳолатдан йироқ экани қайд этилган. Шу боис мураббийлар штаби футболчиларни ортиқча зўриқтирмасликка қарор қилган.
Шунингдек, ван Дейк ва Бробби ўрнига терма жамоага қўшимча футболчилар чақирилмаслиги таъкидланди.
Нидерландия терма жамоаси 13 ноябрь куни «Йохан Кройф Арена»да Грецияга қарши майдонга тушади. 16 ноябрда эса жамоа сафарда Германия терма жамоасига қарши ўйин ўтказади.
Изоҳлар (0)