“Barsa” PSJdan ikki o‘yinchini oladigan bo‘ldi

“Barselona” rahbariyati og‘ir jarohat olib, uzoq muddatga safdan chiqqan Gavi o‘rnini egallay oladigan o‘yinchi qidiryapti.

Kataloniyaliklar nishoniga PSJning ikki vakili tushdi.

Mundo Deportivo nashrining yozishicha, Xavi Ernandes parijliklar sharafini himoya qilayotgan Fabian Ruis va Karlos Solerni mo‘ljallayapti. Klub rahbariyati qishki transferlar vaqtida shu ikki o‘yinchi transferini amalga oshirishga urinib ko‘radi.

27 yoshli Ruis 30 million evroga baholanmoqda. 26 yoshli Karlos Solerni olmoqchi bo‘lgan klublar 20 million evro atrofida pul to‘lashi kerak.