"Барса" сафарда рақибини янчиб ташлади ва биринчи ўринга кўтарилди

Испания чемпионати 4-туридан ўрин олган беллашувда "Барселона" сафарда "Валенсия" дарвозасига жавобсиз бешта гол урди.

Каталония клуби ҳисобни учрашувнинг 6-дақиқасида Ламин Ямалнинг голи билан очди. 22-дақиқада Фермин Лопес устунликни оширди. 

Иккинчи бўлим бошланиши билан, 50-дақиқада Рафинья учинчи голни урди. 79-дақиқада Педри тўртинчи гол муаллифига айланди, 84-дақиқада эса Ламин Ямал дубль расмийлаштириб, якуний ҳисобни ўрнатди.

Бу ғалабадан сўнг "Барселона" 12 очко билан Испания чемпионати жадвалида етакчиликни сақлаб қолди ва ҳозирча очко йўқотмаган ягона жамоа бўлиб турибди. Илгарироқ шу кўрсаткичга эга бўлган "Реал" ушбу тур арафасида "Бетис"га 0:1 ҳисобида мағлуб бўлган эди.

"Валенсия" эса мусобақа жадвалида 1 очко билан йигирманчи, яъни охирги ўринга тушиб қолган. Кейинги турда жамоа 11 сентябрь куни сафарда "Севилья"га қарши майдонга тушади. "Барселона" эса 13 сентябрь куни меҳмон сифатида "Леванте" билан куч синашади.