“Барса” юлдузи учун 50 миллион евро берамиз!

Испаниянинг амалдаги чемпиони “Барселона” жамоасида тўп суриб келаётган марказий ярим ҳимоячи Френки де Йонг тез орада клубини ўзгартириши мумкин.

Бу ҳақда Fichajes журналистлари хабар бермоқда.

Манбага кўра, нидерландиялик хавбекка Мюнхеннинг “Бавария” клуби жиддий қизиқиш билдирмоқда. Немис топ-клуби де Йонг трансфери учун тахминан 50 миллион евро таклиф қилишга тайёр.

28 ёшли ярим ҳимоячи 2019 йилнинг ёзидан бери каталонияликлар сафида ўйнаб келмоқда. Унинг амалдаги шартномаси 2029 йил июнь ойи охиригача мўлжалланган.

Жорий Испания чемпионатида де Йонг 14 та ўйинда қатнашиб, 3 та голли узатма муаллифи бўлди.