“Барса”дан пул учун кетдим...
Ҳозир пул муҳим
Испаниянинг амалдаги чемпиони “Барселона” марказий ҳимоячиси Иньиго Мартинес кутилмаганда клуб билан шартномани бекор қилди ва Саудия Арабистонининг “Ан-Наср” жамоасига кўчиб ўтди.
Diario Sport нашри 34 ёшли футболчининг нега бундай йўл тутганига ойдинлик киритди.
Манбанинг маълум қилишича, аслида Иньиго Мартинес “Барселона”дан кетмоқчи бўлмаган. Аммо “Ан-Наср” раҳбарияти таклиф қилган маош тажрибали ўйинчининг танловини ўзгартирган.
Саудияликлар Мартинесга “Барселона”даги маошининг камида икки бараварини беришни ваъда қилгани айтилмоқда.
Иньиго Мартинес каталонияликлар сафида 2023 йилнинг ёзидан бери ўйнаб келаётган эди. У “Барселона”да жами 71 та учрашув ўтказди.
Изоҳлар (0)