“Барселона” “бомба” трансфер тайёрлаяпти

“Барселона” мутасаддилари 36 ёшли тўпурар Роберт Левандовскига ўринбосар қидиришни тўхтатгани йўқ.

Euro-football ва TodoFichajes каби манбаларнинг маълум қилишича, каталонияликлар “Интер” тўпурар Лаутаро Мартинесни нишонга олган.

Аслида “Барселона” аргентиналик ҳужумчини ўз сафига қўшиб олиш учун аввал ҳам ҳаракат қилган эди. Бироқ Лаутаро ўшанда бор эътиборини “Интер”га қаратигини маълум қилиб, “Барселона” таклифини қабул қилмаган.

Бироқ “Барселона” хўжайини Жоан Лапорта Мартинесни олиш фикридан қайтмаган эди. Энди клуб президенти бу трансферни шахсан ўзи амалга оширмоқчи.

Манбаларнинг таъкидлашича, Лапорта Мартинеснинг манфаатларини ҳимоя қилаётган мутасаддилар билан мулоқотни бошлаб юборди.

27 ёшли Лаутаро Мартинеснинг трансфери “Барселона”га қимматга тушади. Шу боис, каталонияликлар камида икки ўйинчисини сотиб юборишига тўғри келади. “Интер” савдо жараёнида трансферга “Барселона” футболчиларини қўшиш вариантини ҳам кўриб чиқишга тайёрлиги, бироқ бунга қўшимча тарзда келадиган маблағ 50 миллион евродан пасайиб кетмаслигини истаётгани айтилмоқда.