"Барселона" Фелиш борасида бир қарорга келди

"Барселона" раҳбарияти Фелишнинг ижара шартномасини узайтирмоқчи, деб хабар беради "Diario Sport" нашри.

Манбага кўра, "кўк-анорранглилар" 24 ёшли футболчида ёрқин истиқболни кўрмоқда. Қайд этилишича, каталонияликлар португалияликни ижара муддатини яна бир мавсумга узайтириб, кейин уни сотиб олмоқчи.

Эслатиб ўтамиз, аввалроқ жамоа  бош мураббийи Хави Эрнандес Жоаунинг ўйинидан норозилиги ва унинг харидига қарши эканлиги ҳақида маълумот тарқалган эди. "Transfermarkt" портали маълумотларига кўра, футболчининг нархи 40 миллион еврога тенг.