"Barselona" Felish borasida bir qarorga keldi

"Barselona" rahbariyati Felishning ijara shartnomasini uzaytirmoqchi, deb xabar beradi "Diario Sport" nashri.

Manbaga ko‘ra, "ko‘k-anorranglilar" 24 yoshli futbolchida yorqin istiqbolni ko‘rmoqda. Qayd etilishicha, kataloniyaliklar portugaliyalikni ijara muddatini yana bir mavsumga uzaytirib, keyin uni sotib olmoqchi.

Eslatib o‘tamiz, avvalroq jamoa  bosh murabbiyi Xavi Ernandes Joauning o‘yinidan noroziligi va uning xaridiga qarshi ekanligi haqida ma’lumot tarqalgan edi. "Transfermarkt" portali ma’lumotlariga ko‘ra, futbolchining narxi 40 million evroga teng.