"Барселона" ҳимоячиси жамоадан кетишга тайёр

Андреас Кристенсен "Барселона"ни тарк этиши мумкин.

"Mundo Deportivo" нашрининг хабар беришича, 28 ёшли даниялик футболчи кўпроқ ўйин амалиётига эга бўлишни хоҳлайди ва муносиб таклиф бўлса, Каталония клубидан кетишга тайёр.

Таъкидланишича, агар Кристенсен кетса, каталонияликлар "Манчестер Юнайтед" ҳужумчиси Маркус Рэшфордни жамоага қўшиш имкониятига эга бўлади.

Маълумот учун, "кўк-анорранглилар" футболчисининг амалдаги шартномаси 2026 йилгача мўлжалланган. Ҳимоячи клуб сафига 2022 йилнинг ёзида "Челси"дан келиб қўшилган эди.