"Барселона" Испания ҳукуматидан ёрдам олади

"Барселона" клуби ходимларга маош тўлаш учун Испания ҳукуматидан ёрдам олади. Бу ҳақда ESPN хабар бермоқда.

Унга кўра, давлат дастури иш ўринларини қисқартирмаган ҳолда ходимларни сақлаб қолиш имкониятини беради. Шу боис ҳукумат иш берувчи ўрнига ходимнинг 70% маошини тўлаб беради.

Бундан аввалроқ эса, “Барселона” футболчилари коронавирус пандемияси келтирган иқтисодий инқирозни тўғри ҳис қилган ҳолда маошларининг 70 фоизини камайтиришга рози бўлишган эди.