"Барселона" Марк Бернал бўйича қатъий қарор қабул қилди

Испаниянинг машҳур клуби «Барселона» 19 ёшли ярим ҳимоячи Марк Бернал билан шартномани узайтиришга қарор қилди. Бу ҳақда футбол бўйича инсайдер Экрем Конур ўз ижтимоий тармоқларида хабар берди.

Унинг маълумотича, янги келишув 2031 йил июнигача мўлжалланган. Берналнинг амалдаги шартномаси 2029 йил ёзида ниҳоясига етар эди. Каталония клуби Англия премьер-лигаси жамоалари, жумладан «Ливерпуль», томонидан қизиқиш кучайгани ортидан тезкор тарзда шартномани узайтиришга қарор қилгани таъкидланмоқда.

Конурнинг ёзишича, янги шартномада футболчи учун 500 миллион евро миқдорида тўлов миқдори (маблағ эвазига келишувни якка томонлама бекор қилиш имкони) белгиланади. Инсайдерга кўра, шартномани расман узайтириш маросими шу ҳафта ўтказилиши режалаштирилган.