"Барселона" менинг биринчи танловим!"

"Аякс" дарвозабони Андре Онана фаолиятини "Барселона"да давом эттириш истаги борлигини маълум қилди.

"Барселона" менинг биринчи танловим. Мен Каталонияда ўсганман ва бу ер менинг уйим. Клуб билан жуда яхши муносабатдаман. Ҳозирча, "Интер" билан ҳеч қандай келишувим йўқ",-деди дарвозабон.

Аввалроқ, "неррадзуррилар" камерунлик футболчига қизиқаётгани ҳақида хабарлар тарқалганди. Унинг ўзи фаолиятини тарбияланган клубида давом эттирмоқчи. Ўз навбатида, ёзда эркин агентга айланадиган Онанани "Интер" Самир Ханданович, "Барселона" Тер Штегенга муносиб ворис сифатида кўряпти.

Маълумот учун, Онана ўтган йилги мавсумдан буён допинг туфайли дивквалификация муддатини ўтамоқда.