"Бавария" "Барса" ҳимоячисини сотиб олмоқчи

"Бавария" қишки трансферлар ойнасида марказий ҳимоячи сотиб олишни режа қилган. Вариантлар орасига "Барселона" вакили Рональд Араухо ҳам қўшилди, дея хабар бермоқда "Sky Sports" нашри. 

Маълум бўлишича, томонлар ўртасида ҳали музокаралар бошлангани йўқ. Мюнхенликлар 24 ёшли ҳимоячини ўз таркибига қўшиб олиш учун икки йилдан бери ҳаракат қилмоқда, лекин у Каталонияда қолишни авзал кўради. 

Араухонинг "Барса" билан амалдаги шартномаси 2026 йилнинг ёзигача тузилган. Шунингдек, уругвайликнинг товон пули 1 миллиард евро. 

"Бавария" Роналдьдан ташқари "Арсенал" футболчиси Такэхиро Томиясу ва "Манчестер Юнайтед" аъзоси Рафаэль Варанни ҳам кузатиб бормоқда.