Бекхэм: "МЮ майдонга ғалаба учун чиқмаяпти"

Англия терма жамоаси собиқ юлдузи Дэвид Бекхэм АПЛнинг 4-турида "Манчестер Юнайтед" ва "Манчестер Сити" (3:0) ўртасидаги дербидан сўнг жамоа ҳақида фикр билдирди.

"Умид қиламанки, футболчилар бу мағлубиятдан мухлислардек оғриқ ҳис қилишяпти. Улар майдонга ғалаба учун хоҳишсиз чиқишяпти. Бу ўйинни кузатиш мен учун жуда оғир бўлди. Шу турдаги ўйинларни кўришдан тўйдим", – деди Бекхэм "CBS Sports"га.

Ҳозирги вақтда Рубен Аморим шогирдлари 4 очко тўплаб, Англия чемпионатининг турнир жадвалида 14-ўринда бормоқда.

Маълумот ўрнида, португалиялик мутахассис қўл остидаги жамоа навбатдаги учрашувини 20 сентябрь куни Лондоннинг "Челси" клубига қарши ўтказади.