Беллингем: “Фақат аҳмоқлар “R” ҳарфини унутишади”

Барча журналистлар "Реал"нинг ҳужум триосини “BMV” деб фаол муҳокама қилишмоқда. Бу учликка Родриго эътиборсиз қолдирилиб, Жуд Беллингем, Килиан Мбаппе ва Винисиус Жуниорлар тилга олинмоқда. Бразилиялик форвардни Беллингем қўллаб-қувватлади.

“Фақат аҳмоқлар “R” ҳарфини унутишади”,- деб ёзиб қолдирди англиялик ярим ҳимоячи ўз ижтимоий тармоғида.

Эслатиб ўтамиз, сешанба куни Мадриднинг “Реал” клуби Чемпионлар лигасининг биринчи турида ўз майдонида “Штутгарт”ни йирик 3:1 ҳисобида мағлуб этганди. 

Энди Карло Анчелотти жамоаси Испания чемпионати доирасидаги "Эспаньол"га қарши ўйинга тайёргарлик кўрмоқда. Жамоалар 21-сентябр, шанба куни “Сантяго Бернабеу”да ўйнайди. Беш турдан кейин “Лос-Бланкос” ҳисобида 11 очко бор.