Беллингем финал олдидан нималар деди?

"Реал" ярим ҳимоячиси Жуд Беллингем "Покуча"га қарши Қитъалараро кубок финалидан олдин матбуот анжуманида қатнашди. Англиялик футболчи мухбирларнинг саволларига жавоб бериб ўтди.

"Бизда етакчиларга тўла кийиниш хонаси бор. Кийиниш хонасида жамоа сардори бўла оладиган кўплаб футболчилар бор.  

Сўнгги бир неча ўйинда мен гол уриш мумкин бўлган позицияларда бўлдим. Мен буни давом эттиришни хоҳлайман, чунки бу жамоага ўйинларни ютишда ёрдам бериши мумкин.  

Мен ишонаман, биз вазиятни ўзгартира оламиз ва яхшироқ футбол ўйнаймиз. Ҳаммаси ўзимизга боғлиқ ва бу эртадан бошланади. 

Танқидлар? Босим — бу имтиёз. Танқид бўлишини кутмаслик аҳмоқлик.  

Биз бу ўйинга жуда жиддий қараймиз. Биз яна бир совринни қўлга киритишга ҳаракат қиламиз.  

Менинг елкам? Ҳаммаси жойида. Ҳали ҳам махсус боғловчи кийиб юраман, лекин умуман олганда ҳаммаси яхши.

Винисиус ФИФА талқини бўйича йил ўйинчиси? Агар у ғалаба қозонган бўлса, бу тўлиқ ҳақли. Мен унинг учун жуда хурсандман.  

Севимли позициям? Менинг севимли позициям — Анчелотти мени қаерга қўйса, ўша ер",— 21 ёшли ярим ҳимоячи анжуманда.