Бейл профессионал гольф турнирида дебют қилди (Видео)

Уэлслик собиқ футболчи Гарет Бейл ўзининг профессионал гольф турниридаги дебютини ўтказди.

"Реал Мадрид"нинг собиқ футболчиси Калифорниядаги "Pebble Beach Pro-Am on PGA Tour"да ўйнайди.
Бейл америкалик профессионал Жозеф Брамлетт билан жуфтлиқда ҳаракат қилмоқда. Улар биринчи кундан кейин 18-ўринда бормоқда.

Собиқ футболчи тўпни охирги тешикка олиб чиқиш учун 65 зарба сарфлади.

Эслатиб ўтамиз, 9 январь куни Гарет футболчилик фаолиятини якунлаганини эълон қилганди. У 5 марта Чемпионлар Лигаси, 4 марта Клублар ўртасидаги жаҳон чемпионати, 3 марта Ла Лига, икки марта Европа Суперкубоги, Испания Суперкубоги ва бир марта Испания кубогини қўлга киритган.