Бэйл ва Роналду ўртасида можаро бўлганми?

"Реал"нинг собиқ футболчиси Гарет Бэйл собиқ жамоадоши Криштиану Роналду билан муносабатлари ҳақида гапирди.

“Мен одамларнинг Криштиану билан муносабатларим кескинлиги ҳақида гапираётганини эшитдим. Бироқ, биз ҳеч қачон муаммога дуч келмадик. Ҳеч ким билан жанжаллашиб қолганимни эслолмайман. Қийин пайтларда ҳам кийиниш хонасида яхши муҳит ҳукм сурарди. Мадридда вақтимни ажойиб ўтказдим", - дея 33 ёшли уэлслик футболчининг сўзларини келтирмоқда "The Times".

Эслатиб ўтамиз, Бэйл 2013 йилдан 2022 йилгача Мадрид жамоасини ҳимоя қилган. Гарет "қироллик клуби" сафида 258 та ўйин ўтказиб, 106 та гол урган ва 58 та голли узатмани амалга оширган.