Beyl: "Xabini ishdan bo‘shatilgani meni hayron qoldirmadi"

"Tottenxem", "Real" va Uels terma jamoasi sobiq futbolchisi Garet Beyl "qaymoqranglilar" bosh murabbiyi Xabi Alonsoning isteʼfosi haqida fikr bildirdi.

- Xabi? Men hayron emasman. "Real" qanday ishlashini bilaman. Agar natijalar boʻlmasa va ular yetarlicha boʻlmasa, seni ishdan boʻshatishadi, - deya Beylning soʻzlarini keltiradi Madrid Xtra X ijtimoiy tarmogʻida.

Ispaniyalik mutaxassis "Real"ni 2025 yilning yozidan buyon boshqarib kelayotgandi, bungacha u "Bayer"da ishlagan. "Qaymoqranglilar" bosh murabbiyi lavozimini madridliklarning boshqa bir sobiq futbolchisi Alvaro Arbeloa egalladi. Ispaniya chempionatida "Real" turnir jadvalida ikkinchi oʻrinda bormoqda. Madridliklar hisobida 20 ta uchrashuvda 48 ochko mavjud.