Бир кун ҳаммасини ҳал қилди! Холанд ҳам Мессининг рекордини ўчирди

«Манчестер Сити» ҳужумчиси Эрлинг Холанд Европа Чемпионлар лигасида яна бир тарихий кўрсаткичга эришди.

Норвегиялик форвард «ПСЖ» дарвозасига икки гол урди. Шунинг ўзига қарамай, «шаҳарликлар» ўз майдонида мағлубиятдан қоча олишмади – 2:4 ҳисоби қайд этилди. УЕФА маълумотига кўра, Холанд 26 ёш 85 кунлик пайтида Чемпионлар лигасида 60 та гол чегарасини биринчи бўлиб бундай ёшда забт этган футболчига айланди. Шу тариқа у аввалги рекордчи Лионель Месси кўрсаткичини бир кунга янгилади: аргентиналик юлдуз «Барселона» сафида турнирдаги 60-голига эришганида 26 ёш 86 кунлик эди.

Ҳозирги пайтда Эрлинг Холанд Чемпионлар лигаси тарихидаги энг яхши тўпурарлар рўйхатида еттинчи ўринни эгаллаб турибди – унинг ҳисобида 60 ўйинда 61 та гол бор. Лионель Месси эса 163 беллашувда урилган 129 та гол билан умумий рейтингда иккинчи поғонада қайд этилган.