Бобир Абдиҳолиқов "Насаф" йиғинида иштирок этмоқда (фото)

Жаҳон чемпионати ўйинлари ўзининг энг қизғин палласига кириб бораётган бир пайтда Суперлига клублари янги мавсум учун тайёргарликни бошлаб юборди.

Хусусан, "Насаф" ҳам 2023 йилги мавсум тараддудини бошлади. Қаршидаги ўз базасида шуғулланаётган "аждарлар" йиғинида жамоанинг собиқ футболчиси Бобир Абдиҳолиқов ҳам қатнашмоқда. Клуб матбуот хизмати тақдим этган суратларда "ўзбек Пелеси"ни кўриш мумкин.

Катта эҳтимол билан ҳужумчи фаолиятини яна легионер сифатида давом эттиради. Шунчаки айни пайтда унинг "Энергетик-БГУ" билан шартномаси якунига етган.