Бобир Абдихолиқов гол урган ўйинда "Энергетик-БГУ" чемпионатда қолиш масаласини ҳал этди

Бугун Беларусь чемпионатининг сўнгги 30-тур ўйинлари бўлиб ўтди.

Легионерларимиз Шаҳзод Убайдуллаев ва Бобир Абдихолиқов ҳаракат қилаётган "Энергетик-БГУ" сафарда "Ислочь" меҳмони бўлиб, йирик 4:0 ҳисобида ғалаба қозонди.

"Талабалар"нинг дастлабки голига ҳамюртимиз Абдихолиқов муаллифлик қилди. Убайдуллаев эса ўйин қайдномасидан ўрин олмади.

Мазкур ғалабадан кейин, "Энергетик-БГУ" очоколар сонини 33тага етказиб, 12-ўринга кўтарилди ва чемпионатда қолиш масаласини ҳал қилди.