Бокс юлдузи ўзини ММАда синаб кўрмоқчи

Оғир вазн тоифасида собиқ жаҳон чемпиони Энтони Жошуа аралаш яккакурашларда ўз кучини синаб кўришни истамоқда.

"Нима учун мен ММАга қадам босмаслигим керак, ахир ММА усталари ҳам боксда ўз омадини синаб кўришяпти-ку?! Албатта, бокс – катта бизнес, у яккакурашларнинг энг чўққилаги тури. Бироқ барибир баъзида қизиқиш устун келади.

Агар ММАга ўтсам, номдор рақиб билан курашишни истардим. Ўйлайманки, бу ҳам келажакда, албатта, содир бўлади", - деди Жошуа "Мр Verzace" подкастида.

Маълумот учун,  Энтони Жошуа 25 июль куни Ар-Риёдда албаниялик Кристиан Пренгага қарши рингга кўтарилиб, йил охирида ҳамюрти Тайсон Фьюри билан узоқ кутилган жангни ўтказишмоқчи.