Bo‘ldi ketaman! “Real” hujumchisi narsalarini yig‘ishtiradi

Madridning “Real” klubi hujumchisi Gonsalo Garsiya joriy mavsum yakunida jamoani tark etishga tayyorgarlik ko‘rmoqda.

Bernabéu Digital  nashri ma’lumotiga ko‘ra, 22 yoshli klub tarbiyalanuvchi bosh murabbiy Alvaro Arbeloa rejalariga deyarli kirmaydi.

Garsiya so‘nggi bir oy ichida esa faqat bir marta “Jirona”ga qarshi o‘yinda 6 daqiqa maydonda harakat qildi xolos.

Qayd etilishicha, hujum chizig‘ida Garsiya uchun raqobat juda kuchli. Jumladan, Kilian Mbappe ham uning asosiy raqobatchilaridan biri hisoblanadi. Shuningdek, jamoaga hujumni kuchaytirish kerak bo‘lgan vaziyatlarda murabbiylar shtabi boshqa futbolchilarga, jumladan Braim Diazga ishonch bildirmoqda.

Klubda mavjud vaziyatdan kelib chiqib, futbolchining ketish ehtimoli tobora oshib bormoqda. Shu bilan birga, “Real” uni ijaraga berish yoki keyinchalik qayta sotib olish sharti bilan to‘liq transfer qilish variantlarini ham ko‘rib chiqishga tayyor.