Браим Диас А Серияга йўл олиши мумкин!

Туриннинг «Ювентус» клуби Марокаш терма жамоаси ярим ҳимоячиси Браим Диасни ўз сафига қўшиб олиш имкониятини кўриб чиқмоқда. Бу ҳақда инсайдер Фабрицио Романо ўз ижтимоий тармоқларида хабар берди.

Журналист маълумотига кўра, ҳозирча клублар ва футболчи томони музокара жараёнида. Шу билан бирга, Браим Диаснинг ўзи «Реал» асосий таркиби учун курашиш ниятида эканини таъкидламоқда. У мадридликлар сафида 2019 йилдан бери тўп суриб келмоқда.

Ўтган мавсумда Браим «Реал» таркибида 44та ўйинда майдонга тушиб, икки гол ва еттита голли узатмани амалга оширди.