Breaking! Юрген Клопп "Ливерпуль"ни тарк этишга қарор қилди

"Ливерпуль" ўз саҳифаси орқали мухлислар учун бироз нохуш хабарни эълон қилди. Маълум бўлишича, Юрген Клопп мавсум сўнггида жамоани тарк этишга қарор қилган. 

2015 йилда мерсисайдликларни қабул қилиб олган германиялик мураббий орадан 9 йил ўтиб, жамоа билан хайрлашмоқда. Унинг кейинги манзили ҳали аниқ эмас. 

Юрген қўл остида "қизиллар" Чемпионлар лигаси, клублар ўртасидаги Жаҳон чемпионати, АПЛ ва Англия лига кубоги каби йирик турнирларда зафар қучди. Айни пайтда ҳам клуб Премьер-лигани қўлга киритишга ҳаракат қилмоқда.