Бруну Фернандеш Роналдуга қарши борди

“Манчестер Юнайтед” етакчиси Бруну Фернандеш ёзги трансферлар даврида Саудия Арабистонининг уч клуби – “Ал-Ҳилол”, “Ан-Наср” ва “Ал-Иттиҳод” таклифини рад этгани маълум бўлди.

Портагулиялик футболчига биринчи бўлиб ибль ойида “Ал-Ҳилол” мурожаат қилган. Бруну уларга яна камида бир йил Европада қолишини айтган.

Бундан ташқари, “Ан-Наср” етакчиси Криштиану Роналду ўз ҳамюртини Риёд клубига чақирган. Бироқ Фернандеш Португалия терма жамоасидаги сардорининг фикрига қарши чиқиб, Саудия Арабистонига кўчиб ўтишдан бош тортди.

Бруну Фернандеш 2020 йилнинг бошидан бери “Манчестер Юнайтед” шарафини ҳимоя қилиб келмоқда. Моҳир плеймейкер ҳозирга қадар барча турнирларда 294 та учрашув ўтказиб, рақиблар дарвозасига 99 та гол урган ва жамоадошларига 86 та голли пас узатган.

Унинг манчестерликлар билан амалдаги шартномаси 2027 йилнинг 30 июнигача давом этади. Transfermarkt портали экспертлари ярим ҳимоячини 50 миллион еврога баҳолаяпти.