Бу жамоа Англия чемпиони бўлолмайди

Лондоннинг “Челси” клубини бошқараётган италиялик мутахассис Энцо Мареска жамоа жорий мавсумда Англия чемпионлигини қўлга киритишига ишонмаслигини билдирди.

Унинг сўзларига кўра, “Челси”га бу ҳозирча барқарорлик етишмаяпти. Мареска мавсумнинг иккинчи ярмида бу муаммони бартараф этишга умид билдирди.

- Агар барқарорроқ ўйнасак, энг яхшилар қаторида бўлишимиз мумкин эди. Турли жамоаларга қарши натижаларимиз фарқ қилади. Бу муаммони бартараф этиш мавсумнинг иккинчи қисмидаги асосий мақсадларимиздан бирига айланди, - деди Энцо Мареска BBC Sport журналистларига.

Айни пайтда “Челси” Англия Премьер-лигаси турнир жадвалида тўртинчи ўринни эгаллаб турибди.