Бу трансфердан кейин “Реал”ни енгиб бўлмай қолади

Килиан Мбаппенинг “Қироллик клуби”га кўчиб ўтиши 2024 йилнинг энг катта трансфери бўлиши кутилмоқда.

Шунга қарамай, “Реал” мутасаддилари келаси ёзда ҳам трансфер бозорини портлатишга тайёргарлик кўрмоқда.

Relevo нашрининг ёзишича, мадридликлар “Байер”ни илк бор Германия чемпиони бўлишига улкан ҳисса қўшан Флориан Вирцни ўз сафига қўшиб олишни режалаштирмоқда.

21 ёшли футболчи анчадан бери Европанинг энг  қудратли клублари нишонида турибди. Вирц бу мавсум Бундеслиганинг энг яхши футболчиси, деб топилди.

Вирцнинг “Байер” билан шартномаси 2027 йилнинг ярмигача тузилган. Иқтидорли ўйинчи келаси мавсумни ҳам Леверкузен клубида ўтказишга қарор қилган.

“Реал” эса, келаси мавсум давомида Флорианни Мадридга кўчиб ўтишга кўндиришга ҳаракат қилади.