Буффон энг кучли рақиб футболчи ким эканини айтди

Собиқ дарвозабон Жанлуижи Буффон фаолиятидаги энг кучли рақиб футболчи ким бўлганини айтди.

"Мен 3 та авлодга қарши дарвозани қўриқлаганман. Зидан, Роналдо, Месси, Криштиану Роналду, Иньеста... Биттасини танлаш? Неймар мен учратган энг қийин рақиб эди. У бундай ўйини билан 5 та "Олтин тўп" ютиши керак эди",-деди италиялик собиқ футболчи.

Ҳозирда 32 ёшли Неймар "Ал-Ҳилол" билан шартномани бекор қилиб, собиқ клуби "Сантос"га қайтиш арафасида турибди.