Булар Роналдуга етишига ҳали анча бор

Футболчиларнинг трансфер қийматини баҳолашга ихтисослашган Transfermarkt портали Европа топ-чемпионатларида энг юқори маош олувчи ўйинчилар рейтингини эълон қилди.

Халқаро рейтингнинг юқори бешта поғонасида “Реал”нинг икки вакили ўрин олган. Бироқ Европада энг кўп маош олувчи футболчи сифатида “Манчестер Сити” тўпурари Эрлинг Холанд кўрсатилган.

Энг катта маоши бор “топ-5” футболчи рўйхати қуйидагича кўриниш олди.

Эрлинг Холанд (“Манчестер Сити”) — € 31,6 млн.

Килиан Мбаппе (“Реал”) — € 31,3 млн.

Ҳарри Кейн (“Бавария”) — € 25 млн.

Винисиус Жуниор (“Реал”) — € 25 млн.

Муҳаммад Салоҳ (“Ливерпуль”) — € 24,1 млн.

Лекин бу футболчиларнинг ҳеч бири Саудия Арабистонида юрган Криштиану Роналдучалик маошга эга эмас. “Ан-Наср” 41 ёшли юлдузга Европадаги клублардан бир неча баравар кўп маблағ тўлаяпти.