"Бухоро"нинг ўртоқлик ўйинларидаги рақиблари маълум

Анталияда йиғинни бошлаётган "Бухоро" клуби тайёргарлик давомида бир неча жамоалар билан ўртоқлик ўйинларини ўтказади. Бу ҳақда клуб матбуот хизмати хабар берди

Суперлиганинг янги мавсум иштирокчиси қуйидаги жамоларга қарши назорат ўйинларини ўтказади.

1. "Балкани" (Косово). Ўтган мавсум Косово чемпионатида кумуш медалларни қўлга киритган. Балканига қарши ўйин 2 февраль куни 17:00 да бошланади.

2. "Самгурали" (Грузия). Ўтган мавсум ушбу жамоа 36-ўйиндан 44 очко жамғарган ҳолда Грузия чемпионатида 5- ўринни эгаллаган. "Самгурали"га қарши беллашув 5- февраль куни 17:00 да бошланади.

3. "Ленингратес" (Россия). Ушбу жамоа ўтган мавсумда Россия чемпионатининг 2- лигасида 3-ўринни эгаллаган. Ушбу жамоага қарши учрашув 8 февраль куни 17:00 да старт олади.

4. Шимолий Корея Миллий терма жамоаси. Ўртоқлик ўйинларидаги энг жиддий баҳслардан бири табиийки шимолликларга қарши кечади. Унда клубимиз Эрон, Қатар, БАА каби дунёнинг номдор термаларига муносиб қаршилик кўрсатаётган терма билан куч синашади. Эслатиб ўтамиз Шимолий Корея жаҳон чемпионати-2026 саралашининг сўнгги босқичида Ўзбекистон терма жамоаси билан бир гуруҳда иштирок этмоқда.

5. "Ордабаси" (Қозоғистон). 2023-йилги мавсумда мамлакат чемпионига айланган клуб ўзбекистонлик футбол мухлисларига яхши таниш. Сабаби, жамоада миллий терма жамоамизнинг бир қатор футболчилари тўп тепган. Чимкент жамоаси 2024 йилги ўйинларда 4-ўринни эгаллади. "Ордобаси"га қарши ўйин 12 февраль куни 17:00да бошланади.

Улуғбек Бақоев бошчилигидаги жамоамиз бугундан Тайёргарликнинг якуний босқичидаги дастлабки машғулотини бошлайди.