"Челси" етакчиси "Реал"га ўтишга рози бўлди

"Челси" ярим ҳимоячиси Энцо Фернандес Мадриднинг "Реал" клубига ўтишга тайёр эканлигини билдирди. Бу ҳақда журналист Эдуардо Инда хабар бермоқда. 

Манба маълумотига кўра, аргентиналик хавбек "Реал" жамоасига қўшилиш истаги борлигини етказган. Энцо "қироллик клуби" сафида ўйнаш орзуси эканлигини испан грандига аниқ равшан қилиб айтган.

25 ёшли футболчининг айни вақтда "трансфермаркт" порталидаги нархи 85 миллион еврони ташкил этади. Унинг "кўклар" билан амалдаги шартномаси 2032 йилнинг ёзигача мўлжалланган.

Эслатиб ўтамиз, Фернандес жорий мавсум Лондон клуби сафида 35 та учрашувда майдонга тушиб, 11 та гол киритди ва 4 та голли узатма амалга оширган.