"Челси" Николас Жексон учун космик нарх сўрамоқда

"Челси" ҳужумчиси Николас Жексон ёзда жамоасини ўзгартириши мумкин. 24 ёшли сенегаллик футболчига "Манчестер Юнайтед" ва "Астон Вилла" клублари жиддий қизиқиш билдирмоқда.

"Sky Sports" журналисти Каве Солхеколнинг хабарига кўра, "аристократлар" Жексонни 80-100 миллион фунт (тахминан 92-115 миллион евро) деб баҳоламоқда. Бу жуда баланд — космик — нарх сифатида кўрилмоқда.

Лондонликлар ушбу баҳони белгилашда Уго Экитикенинг трансферидаги суммага таянаётгани қайд этилган. Маълумотларга кўра, "Ливерпуль" Экитике учун бонуслар билан бирга 95 миллион евро тўлайди.

Эслатиб ўтамиз, Николас Жексон лондонликлар сафида шу пайтгача 81 ўйинда иштирок этган, 30 гол урган ва 12 голли пас муаллифи бўлган.